ANCA MI NON SO PARCHE’ MA DE TUTO ME LAMENTO
ME LAMENTO DEL
CALDO E ME LAMENTO DEL FREDO
DEI RUMORI MOLESTI
E DEI CATIVI ODORI
E DELE BARUFE CHE
FA ALZARE I SUDORI
E PODARIA
CONTINUARE CON STO INTRIGO …
MA SENTARI’ SA VE CONTO SENTARI’ SA VE
DIGO
SCOMISSIO A
RACONTARE DEL FREDO
QUEL GELIDO DE NA
OLTA NO QUEL DE ADESO
L’ ERA LONGO CATIVO
CRUO E IMBORASCA’
CON ZERTE BUFERE DE
VENTO E NESSUNA COMODITA’
SE FASEA TUTO ALLA
BONA E CON DIFFICOLTA’
VEDO ANCORA ME MAMA PORA DONA ANCA ELA
AFANARSA SU E SO PAR LA SCALA
ALE PRESE COL SCALDALETTO
PORTAR SU SCALDINE DE BRASE
PAR SCALDAR UN FIA’ EL NOSTRO LETO.
ME RICORDO NA NOTE
DE GRAN BUFERA
CON NA GRAN
TORMENTA DE NEVE
LE FALIVE LE SE INFILAVA
FRA I COPI
E LE CASCAVA LEGERE
SUI LETI …
LA MAMA LA SE DAVA UN GRAN DA FAR
NE LA SO FACIA UN SORISO STANTIO
PAR FARNE STAR TRAQUILI E CHIETI
PREGANDO EL SIGNOR E LA MADONA
SPERANDO FOSSE TUTO PRESTO FINIO,
EL PAPA’ ANCA LU
NON SAVEA PIU’ COSA FAR
EL NA QUARTA’ PAR
FIN COL TABAR.
A RACONTARE DELA ME
CASA
GO COMSIA’ DAI
COPI,
ADESSO VO’ DA BASSO
E ARIVO IN CUSINA
ANDO’ GHE QUATRO
ARZARE E LA STUA
CHE D’ INVERNO LA
BRUSA CATASTE DE LEGNA A TUTO SBAFFO
LI A UN PASSO GHE
L’ ANTIPORTO COI VERI
POARETO STRASSO
ANCA LU EL SE RITROVA A LOTARE COI SPIFFERI
E AVER SEMPRE
COSTANTEMENTE NA GROSTA DE GIASSO.
SE STAVA BEN A
PRIMAVERA
L’ ARIA L’ ERA
TIEPIDINA NE VEGNEA EL BORESO
SE SPALANCAVA PORTE
E FINESTRE …
IN CORTE TACA’ ALA
RETE FIORIVA LE BELE GINESTRE
SPUNTAVA SU DALA
TERRA I PRIMI BUTTI
E L’ ORTO NE DAVA I
PRIMI FRUTTI
MA IN UN ATTIMO ARRIVAVA QUEL BASTARDO DE
CALDO
ANCA QUEL NON VE DIGO CHE STRAZIO
SU QUEI COPI CHE I SERVIVA DA CUERTO
PICIAVA EL SOLE DALL’ ALBA AL TRAMONTO
SE SPERAVA ALLORA
IN UN BEL TEMPORALE
PER SENTIRE UN PO’
DE FRESCURA
MA GHERA ANCA LI LA
SO FREGADURA.
SE L’ INFURIAVA E
GHERA STRAVENTO
E QUEI RUMORI DA
FAR SPAVENTO
SE INFILAVA DAI
BUSI DEL CUERTO
DEI GRAN PISOLOTI
DE ACQUA …
ECCO ALLORA UN SCIOCAR DE SECI E CADINI
E CICHETE E CIACHETE L‘ ACQUA NEI SECI
CASCAVA
E CICHETE E CIACHETE DENTRO I CADINI L’
ACQUA CANTAVA
SE IMPROVVISAVA
COSI’ NA MUSICHETA
FRA IL SECIO E IL
CADIN
CHE EL SE IMPENIVA
A GOSA GOSETA.
ME RENDO CONTO CHE
QUEL CHE DIGO
LE’ NEGATIVO MISERO
E TRISTO
MA LE PRORPIO
QUESTO CHE VOIO DIRE
DELLE ROBE BELE VE
CONTARO’ ST’ ALTRO GIRO
IN STO PERIODO
NEGATIVO E BRUTTO
GHERA ANCA LA GUERA
E POCO DE TUTTO
ME PAPA’ LAORAVA IN
CAMPAGNA
E GUADAGNAR DU
SCHEI L’ ERA NA VERA CUCCAGNA
LE STA COSTRETTO
LASARNE A CASA DA SOLI
E LU LE IMMIGRA’ IN
GERMANIA.
SEN RESTA’ A CASA
NOALTRI BUTELETI
COL NONO BEPO E LA
MAMA
A QUEL TEMPO NON GHERA NE LUCE NE GAS
SE FASEA TUTO SULLA STUA O SUL FOGOLAR
CON QUATTRO STIZZI INCROSA’
L’ ACQUA LA SE
PORTAVA IN CASA COI SECI
SE LAVAVA LA
BIANCHERIA DRENTO AL BRENTON
COL SAON FATTO IN
CASA CHE L’ ERA SOLO SPUZZON
UN BEL PAROL DE
ACQUA CALDA CON DENTRO ZENDRON
CHE EL SE PURGAVA
CON UN TELO CIAMA’ COLAOR.
SE STIRAVA COL FERO
DE GHISA
SE METEA DETRO LE
BRASE
E OGNI TANTO PAR
FARLE STAR VIVE
NA BELA SCURLADA
DECISA
OGNI SERA COL MISERO CIARO DELLE CANDELE
LE DONE LE LAORAVA DE UCIE
FASENDO SU MAIE E CALSETI
CON MAIE VECIE DESFADE ANCA ELE
ZONTADE A TOCHI E GROPETI.
PA FARLA FINIA
QUANDO GO VU’ L’
ELTA’ GIUSTA
SO ANDA’ IN CITTA’
A LAORAR NELLE CASE DEI SIORI
LA NON GHERA NE
TANTO CALDO NE TANTO FREDO
E NON MANCAVA GNANCA EL MAGNAR …
MA MI GAVEA NA GRAN
NOSTALGIA
E NON VEDEA L’ORA DE
TORNAR A CASA MIA
DE TUTTO QUESTO FARO’ MEMORIA E PROFITTO
E QUANDO NO GHIN POSSO PIU’ DEL VICINATO
GHE DARO’ NA RIPASADA A QUEL CHE GO
SCRITTO
LE NA TRISTA E MISERA
CONSOLAZION
MA SE FO EL CONFRONTO …
